მიხეილ სააკაშვილი ამერიკის შეერთებულ შტატებს ვერ დატოვებს, – ამ ინფორმაციას უკრაინული მედია ავრცელებს. სტატია, სადაც ნათქვამია, რომ უკრაინის ხელისუფლებამ ოდესის ყოფილ გუბერნატორს ყველა პასპორტი გაუუქმა, “ფეისბუქზე” სააკაშვილმაც გაავრცელა.
პუბლიკაციაში ნათქვამია, რომ კიევმა უკვე შეატყობინა აშშ-ის და სხვა ქვეყნების ხელისუფლებებს, რომ სააკაშვილის ყველა პასპორტი ანულირებულია.
გამოცემას მოჰყავს ანონიმური წყაროს კომენტარი, რომელიც ამტკიცებს, რომ საქართევლოს ყოფილი პრეზიდენტის იზოლირება ისე გაფორმდა, რომ სააკაშვილის ექსტრადირების საკითხი უკრაინას არ შეეხებოდა. ამავე წყაროს ცნობით, თბილისი მზად არის, სააკაშილის საკითხზე მოლაპარაკებები აშშ-სთან დაიწყოს.
„პოროშენკომ სააკაშვილის მოქალაქეობის შესახებ ეშმაკური კომბინაცია გაითამაშა. სააკაშვილისთვის მოქალაქეობის ჩამორთმევის დოკუმენტის ხელმოწერის შემდეგ, უკრაინას საგარეო უწყებიდან ამერიკისა და სხვა ქვეყნების კომპეტენტურ ორგანოებს შეატყობიენს, რომ სააკაშვილის ყველა პასორტი ანულირებულია. ის ფიზიკურად ვერ შეძლებს, აშშ-დან გაემგზავროს უკრაინაში ან ნებისმიერ სხვა ქვეყანაში”, – წერს უკრაინული გამოცემა ამავე წყაროზე დაყრდნობით.
თავად სააკაშილი სტატიის კომენტარში წერს, რომ გაოგნებულია, რატომ უხარიათ უკრაინელ ჩინოვნიკებს, რომ პრეზიდნეტი, რომელიც “მაიდნიდან” მოვიდა, ახლა კლასიკურ საბჭოთა მეთოდებს იყენებს.
საქართველოს ექსპრეზიდნეტსა და ოდესის ოლქის ყოფილ გუბერნატორს უკრაინის მოქალაქოება 26 ივლისს ჩამოართვეს.
უკრაინული მედია – მიხეილ სააკაშვილი აშშ-ის დატოვებას და რომელიმე სხვა ქვეყანაში გამგზავრებას ვერ შეძლებს
2017/08/03 15:10:28
კომენტარები
ნანახია: 1195 ჯერ