ექიმების თქმით, ახალგაზრდა ქალი, რომელიც GEM FEST-ზე იმყოფებოდა, დიდი ოდენობით უცხო ნივთიერების მიღებით გამოწვეული ინტოქსიკაციის დიაგნოზით შეიყვანეს. მიყვანის დროს სასიცოცხლო ფუნქციები არ აღენიშნებოდა. ახალგაზრდა რვა საათის შემდეგ გარდაიცვალა. რა ნივთიერებამ გამოიწვია ინტოქსიკაცია, ექიმების თქმით, ექსპერტიზა დაადგენს. გარდაცვლილი 22 წლის იყო.
წუხელ გვიან ღამით სასწრაფო დახმარების ბრიგადების მიერ GEM FEST-იდან სამი ახალგაზრდა იქნა გადაყვანილი ზუგდიდის რეფერალურ ჰოსპიტალში. ერთ-ერთი მათგანი, ახალგაზრდა ქალი გარდაიცვალა, ხოლო ორი ახალგაზრდა მამაკაცი ამ დრომდე რჩება რეანიმაციულ განყოფილებაში. მათი მდგომარეობა საკმაოდ მძიმეა.
მომხდარზე გამოძიება 115-ე მუხლით მიმდინარეობს.
კომენტარები