საქართველოში პირველად, ზაზა ფაჩულია NBA-ს ჩემპიონთა თასს ჩამოიტანს.
ზაზა ფაჩულია პირველი ქართველი კალათბურთელია, რომელიც წელს NBA -ს ჩემპიონი გახდა.
მისმა გუნდმა Golden State Warriors ჩემპიონატის ფინალური სერიის მეხუთე მატჩში Cleveland Cavaliers-ი ანგარიშით 129:120 დაამარცხა, სერია 4:1 მოიგო და ჩემპიონის ტიტული მოიპოვა.
ამასთან, საქართველოს ნაკრების კაპიტანი 19:00 საათზე სასტუმრო „რუმსში“ პრესკონფერენციას გამართავს.
ქართველ გულშემატკივრებს საშუალება ექნებათ, ლარი ობრაიენის სახელობის თასი თბილისში იხილონ და მასთან ფოტოები გადაიღონ.
7 აგვისტოდან, ფაჩულია საქართველოს ნაკრებთან ერთად ევრობასკეტისთვის მზადებას დაიწყებს.
“ევრობასკეტი 2017” ოთხ ქვეყანაში რუმინეთში, ფინეთში, ისრაელსა და თურქეთში 31 აგვისტო -17 სექტემბერს ჩატარდება.
კომენტარები