“რომელი ტყის და მდელოს გულშემტკივრები თქვენ ხართ, 300 000 კაცს სული ამოხადეთ?! “, – “პატრიოტთა ალიანსის” ლიდერი ირმა ინაშვილი “ნაციონალური მოძრაობის” ძველ და ახალ ფრთას მიმართავს:
”2008 წლის აგვისტოს ომს და ბორჯომის ტყეში გაჩაღებულ ხანძარს ”ნაციონალური მოძრაობის” (ორივე ნაცმოძრაობის, ბოკერია-სააკაშვილის) ოჯახის წევრები დიდი თავმოწონებით ნუ გაიხსენებთ. იმ ავბედით დღეებში ბორჯომში ვიყავი და თქვენგან მიტოვებული ხალხი საკუთარი ძალებით ებრძოდა ხანძარს მაგ. ლიკანში ტყე ისე დაიწვა, რომ თქვენი ხელისუფლების ელიტა ნიცაში ეფიცხებოდა მზეს, თბილისშიშემორჩენილები კი, გვირჩევდნენ, რომ ჩვენი ოჯახები დანა-ჩანგლით დაგვეცვა. მაგ. დათუნა ბაქრაძე. რომელი ტყის და მდელოს გულშემტკივრები თქვენ ხართ, 300 000 კაცს სული ამოხადეთ?! თითქოსდა ნაძვებს დასტირით და ცოცხალი ადამიანების ტანჯვა არაფრად მიგაჩნდათ. ახლაც კბილებს აწიკწიკებთ და ერთი სული გაქვთ, ”რუსთავი-2”-ის ეთერიდან დაშოკოთ ისედაც მშიერი, დაღლილი, დატანჯული მოსახლეობა. ხანძარს კი არა, ვულკანს ინატრებდით ჩვენი ქვეყნისთვის, ოღონდაც ხელისუფლებაში დაბრუნდეთ… მაგრამ იწვიმებს ხვალ… მოვერევით ამ ეკოლოგიურ საბოტაჟსაც და მერე იმ პოლიტიკურ საბოტაჟს მივხედავთ, რომლის წყალობითაც 2012 წლიდან გადაგარჩინეს”, – წერს ირმა ინაშვილი.