საქართველო გლობალურ ტერორიზმთან ბრძოლაში ამერიკის მნიშვნელოვანი პარტნიორია, ამის შესახებ პირველ არხს აშშ-ის სახელმწიფო დეპარტამენტის ევროპული მედიაცენტრის დირექტორის მოადგილემ ვანესა ეკერმა განაცხადა.
ის პირველი არხის ჟურნალისტს ტრამპის გამოსვლის ძირითად ასპექტებზე ესაუბრა.
„ტრამპის სიტყვა იყო ძლიერი. ამ კვირაში გაერო-ში დაისახა 5 პრიორიტეტი ერთ-ერთი მათგანია ჩვენს პარტნიორებთან მჭიდრო ურთიერთობების შენარჩუნება, გლობალური ტერორიზმის წინააღმდეგ ბრძოლის საკითხი, რაშიც საქართველო ასევე მნიშვნელოვანი პარტნიორია და უკვე დიდი ხანია, რაც ეს პარტნიორობა გრძელდება. იმედი მაქვს, ჩვენი პარტნიორობა მომავალში კიდევ უფრო გაუმჯობესდება.
მეორე ნაწილი იყო მშვიდობისა და სტაბილურობის დამყარების საკითხი სირიაში. მან ასევე ყურადღება გაამახვილა, რომ საჭიროა გაერო-ს რეფორმირება, რათა უფრო ეფექტური ორგანიზაცია გახდეს. საუბარი შეეხო ასევე ჰუმანიტარულ დახმარებებს და რა თქმა უნდა ჩრდილოეთ კორეას, რომელიც არამხოლოდ ამერიკის, არამედ მსოფლიოს თავის ტკივილია.
ვერავინ შეძლებს იწინასწარმეტყველოს, რას მოიმოქმედებს კიმ ჩენ ინი, მაგრამ ამერიკა მის წინააღმდეგ ეყრდნობა თავის თავს და რა თქმა უნდა ვეყრდნობით ჩვენს სპარტნიორებს. ვგულისხმობ მშვიდობიან ზეწოლას და ეკონომიკურ სანქციებს, ასევე დიპლომატიურ გზებს. იმედია, ეს სანქციები შედეგს გამოიღებს და ამას მალე ვიხილავთ“, – განაცხადა ვანესა ეკერმა.
წყარო:საზოგადოებრივი მაუწყებელი
