,,ეს ჩემი პატივის და ღირსების შელახვაა”, – ასე გამოეხმაურა ციანიდის საქმის ადვოკატი მიხეილ რამიშვილი მეუფე იაკობის განცხადებას, სადაც მეუფე იაკობმა მიხეილ რამიშვილს შეგზავნილი უწოდა და აგენტობაში დაადანაშაულა.
მიხეილ რამიშვილის თქმით, მეუფე იაკობმა თავისი განცხადებით გირგვლიანსა და მის ოჯახს შეურაცხყოფა მიაყენა და ამისთვის პასუხს აგებს.
,,სასულიერო პირი რომ ასე ლაპარაკობს, ამით ეკლესიის დისტრედიტაციას ახდენს. ქორეპისკოპოსობა მაგან საიდან მიიღო ჩემთვის უკვე საეჭვოა. სირცხვილია. მე თუ აგენტი ვარ, მე თუ შეგზავნილი ვარ მითუმეტეს გირგვლიანის საქმეზე, სადაც სიცოცხლე ჩავდე , პასუხს აგებს. მაგას ვერ უშველის, ვერც თავის ანაფორა და ვერც ჯვარი, რომელიც კისერზე აქვს დაკიდებული. ამ განცხადებით გირგვლიანების ოჯახს შეურაცხყოფა მიაყენა, ცხონებულ ირინა ენუქიძეს შეურაცხყოფა მიაყენა და ჩემი პატივი და ღირსება შეურაცხყო. მაგას თუ ჰგონია, რომ მართლა გვარდიის პერიოდია, მაგრად ცდება”, – განუცხადა ექსკლუზიურად ,,პრაიმტაიმს” მიხეილ რამიშვილმა.
წყარო: პრაიმ ტაიმი