თუშეთის გამგებლის ლადო კახოიძის თქმით, თოვა შეწყდა და თორღვას აბანოსთან ჩამოწოლილი ზვავისგან დაფარული გზა გაიწმინდა. ინფორმაციას ipn-ი ავრცელებს.
„ფშაველი-აბანო-ომალოს დამაკავშირებელი გზის გაწმენდითი სამუშაოები დილიდან აქტიურად მიმდინარეობს. ნაწილობრივ აღგენილია ტრანსპორტით გადაადგილება. იქ ჩარჩენილი ადგილობრივი, ლევან სულაკაური თავს კარგად გრძნობს“, – განაცხადა თუშეთის გამგებელმა. რაც შეეხება ტურისტს, რომელსაც შიდა სისხლდენა აღენიშნებოდა, ლადო კახოიძის ინფორმაციით, მის სიცოცხლეს საფრთხე არ ემუქრება და ამ ეტაპზე თუშეთის ამბულატორიულ ცენტრში მორიგი სამედიცინო დახმარება უტარდება.
ფშაველი-ომალოს გზა ოქტომბრის შუა რიცხვებიდან მაისის შუა რიცხვებამდე ყოველწლიურად იკეტება.
კომენტარები