ოზურგეთის მუნიციპალიტეტის სოფელ გრუიანთაში 28 წლის მამაკაცი საკუთარ საცხოვრებელ სახლთან ჩაცხრილეს. როგორც ადგილობრივები აცხადებენ, მკვლელი სავარაუდოდ, ჩასაფრებული იყო და მსხვერპლს უცდიდა.
გასროლა მაშინ მოხდა, როცა მამაკაცმა ეზოს შესასვლელთან მანქანა გააჩერა და კარების გასაღებად გადმოვიდა. ცეცხლსასროლი იარაღიდან მიყენებული ჭრილობისგან ის ადგილზევე გარდაიცვალა.
შინაგან საქმეთა სამინისტროს ცნობით, ფაქტზე გამოძიება სისხლის სამართლის კოდექსის 108-ე მუხლით მიმდინარეობს, რაც განზრახ მკვლელობას გულისხმობს.
კომენტარები