პრეზიდენტი ვერ გასცდა ოპიზიციურ დღის წესრიგს და კონსტიტუციასთან დაკავშირებით კონსენსუსის ნაცვლად გადადგა ნაბიჯი, რომელიც კონსენსუსის დარღვევას გულისხმობს, – ამის შესახებ უმრავლესობის წევრმა, დავით მათიკაშვილმა ჟურნალისტებს პარლამენტის რიგგარეშე სხდომის დაწყებამდე განუცხადა.
”ერთსა და იმავეზე საუბარი ხშირად გვიწევს და კიდევ ერთხელ მოგახსენებთ, რატომ უნდა იქნას ვეტო დაძლეული – არა იმიტომ, რომ ეს შეგვიძლია, არამედ ეს არის საჭირო და მნიშვნელოვანი ფორმატი, რითაც ჩვენს ქვეყანას ექნება კარგი, დემოკრატიული რეგულაციები, გათვლილი გრძელვადიან განვითარებაზე. ის საკითხები, რომლებიც იყო თავის დროზე შეთანხმებული, როგორც ვენეციის კომისიასთან და პირველ რიგში ჩვენს საზოგადოებასთან, მისი კონსტიტუციაში დროული ასახვისთვის იქნა პრეზიდენტთან გაგზავნილი წინადადება თავის დროზე, რომ ვეტო დაედო მხოლოდ იმ საკითხებზე, რომელიც იყო შეთანხმებული, მაგრამ, ოპოზიციურ დღის წესრიგს პრეზიდენტი ვერ გასცდა. ამაზე გვქონდა საუბარი გუშინ იურიდიულ საკითხთა კომიტეტის სხდომაზე. ბევრი კითხვა დავსვით, რომელზეც ვერც ერთი პასუხი ვერ მივიღეთ. ვერანაირი პასუხი ვერ მივიღეთ იმაზე, თუ რატომ დგამს პრეზიდენტი ასეთ ნაბიჯს, რომელიც არა თუ კონსენსუსისკენ გადადგმული ნაბიჯია, არამედ ეს კონსენსუსის დარღვევას გულისხმობს“, –განაცხადა დავით მათიკაშვილმა.