იუსტიციის უმაღლესი საბჭოს თავმჯდომარე ნინო გვენეტაძე, უვადოდ გამწესების მსურველი მოსამართლეების კენჭისყრაში მონაწილეობას არ მიიღებს.
მისი თქმით, საბჭომ კენჭისყრის ჩასატარებლად ყველაფერი გააკეთა, თუმცა მისივე განმარტებით, არის მნიშვნელოვანი საკითხები, რაზეც გადაწყვეტილების მიღების ფიქრი და ვალდებულება საბჭოს გააჩნია.
“კენჭისყრა ჩატარდება, თუმცა მე არ ვიღებ მონაწილეობას ჩემი პასუხისმგებლობის განცდით, იმიტომ, რომ მე არ მაქვს ბევრ კითხვაზე პასუხი”, – განაცხადა ნინო გვენეტაძემ.
მსგავსი პოზიცია აქვს საბჭოს კიდევ ორ წევრს, ნაზი ჯანეზაშვილსა და ვახტანგ მჭედლიშვილს. არც ისინი აპირებენ კენჭისყრაში მონაწილეობას. იუსტიციის უმაღლესმა საბჭომ უვადო მოსამართლეობის მსურველ 38 კანდიდატს კენჭი დღეს უნდა უყაროს.
კომენტარები