პარტია “დემოკრატიული მოძრაობა – თავისუფალი საქართველოს” ლიდერი ნინო ბურჯანაძე ადასტურებს თანაპარტიელის დიმიტრი ლორთქიფანიძის ჯანმრთელობის გაუარესების ფაქტს.
ნინო ბურჯანაძე დიმიტრი ლორთქიფანიძის სტენოკარდიულ შეტევას ბოლოდროინდელ პოლიტიკურ აქტიურობასა და გადაღლილობას უკავშირებს.
მისი თქმით, ამ დროისათვის დიმიტრი ლორთქიფანიძის ჯანმრთელობის მდგომარეობა დამაკმაყოფილებელია და იგი თავს კარგად გრძნობს.
„ამდენი უსინდისობის ფონზე არაა გასაკვირი რომ ის ცუდად გახდა. იგი ბოლო დრომდე ჩართული იყო არჩევნებში და ბუნებრივია, გადაღლილობის გამო თავი შეუძლოდ იგრძნო. ეს არანორმალური ფონი, არის ხელისუფლების კისერზე“, – განაცხადა ნინო ბურჯანაძემ.
შეგახსენებთ, რომ დიმიტრი ლორთქიფანიძემ არჩევნების დასრულების შემდეგ თავი შეუძლოდ იგრძნო და იგი სასწრაფო სამედიცინო დახმარების ბრიგადამ “ნიუ ჰოსპიტალში” მოათავსა.
„წინასწარი მონაცემებით, სტენოკარდიული შეტევით გადავიყვანეთ „ნიუ ჰოსპიტალში“ – ეს არის გულთან დაკავშირებული პრობლემა“ – განაცხადეს სასწრაფო დახმარების ცენტრში.
გავრცელებული ინფორმაციით, დიმიტრი ლორთქიფანიძემ საავადმყოფო უკვე დატოვა.