ცრუ შეტყობინებასთან დაკავშირებით გამოძიება შსს-ს თბილისის პოლიციის დეპარტამენტის ისან-სამგორის სამმართველოში სისხლის სამართლის კოდექსის 331-ე მუხლით დაიწყო.
როგორც შსს-ში განმარტავენ, მყისიერად ჩატარებული ღონისძიებების შედეგად დადგინდა, რომ მიღებული შეტყობინება სიმართლეს არ შეესაბამება. შსს-ს განცხადებაში დაზუსტებული არ არის, რა სახის შეტყობინება შევიდა 112-ში.
„შსს-ს გადაუდებელი დახმარების ოპერატიული მართვის ცენტრ 112-ში შევიდა შეტყობინება, რომლის საფუძველზეც, პოლიციამ დაიწყო შესაბამისი მოქმედებების განხორციელება. მოხდა მგზავრების ევაკუაცია, დეტალურად შემოწმდა აეროპორტის ორივე ტერმინალი და მიმდებარე ტერიტორია. მყისიერად ჩატარებული ღონისძიებების შედეგად დადგინდა, რომ მიღებული შეტყობინება სიმართლეს არ შეესაბამება. ამჟამად, ყველა რეისი აღდგენილია. მგზავრთა რეგისტრაცია ჩვეულ რეჟიმში მიმდინარეობს“, – აცხადებენ შსს-ში.
შეტყობინების გამო, თბილისის საერთაშორისო აეროპორტი ევაკუირებული იყო.