„ზომიერების ფარგლებში პრემიაც და ხელფასიც ნორმალური უნდა იყოს”, – ამის შესახებთბილისის მერმა კახა კალაძემ მაღალჩინოსნების მიერ პრემიის შესაძლო აღების საკითხის კომენტირებისას გადაცემა „რეაქციაში” განაცხადა. როგორც კალაძემ აღნიშნა, 12 თვის განმავლობაში 30-ჯერ პრემიის გამოწერა მისასალმებელი არ არის.
„რა თქმა უნდა, გადამეტებული არაფერი ვარგა. იმაზე ვერ დავიწყებ საუბარს, რომ 12 თვის განმავლობაში 30-ჯერ რომ პრემიას გამოწერ, ეს მისასალმებელია. რა თქმა უნდა, არა, მაგრამ ზომიერების ფარგლებში პრემიაც უნდა იყოს, ხელფასიც ნორმალური უნდა იყოს. სხვათა შორის, მერიის თანამშრომლების ხელფასებს თუ გადახედავთ და შედარებას გააკეთებთ სამინისტროს თანამშრომლებთან, მერიაში გაცილებით ნაკლებია ხელფასი, ვიდრე სამინისტროში მომუშავე ადამიანებისთვის”, -განაცხადა კალაძემ.