უკრაინაში, ოდესის ოლქის პროკურატურა იძიებს მკვლელეობის საქმეს, რომელიც, სავარაუდოდ, ოკულტურ რიტუალს უკავშირდება. ამის შესახებ ოდესური გაზეთი Думская წერს.
პროკურატურის ინფორმაციით, მათ დააკავეს თურქეთის ოთხი მოქალაქე, რომელთაც თანამემამულის წამებით მოკვლა ედებათ ბრალად. შემთხვევის ადგილზე მისულ გამომძიებლებს ოკულტური რიტუალისთვის დამახასიათებელი ნიშნები დახვდათ, კერძოდ, მარილითა და ფქვილით მოხატული წრეები და სხვა.
“იმ ადგილზე, სადაც დამწვარი სხეული ესვენა, დახატული იყო პენტაგრამა, კაბალისტური სიმბოლოები, განთავსებული იყო სანთლები და სხვადასხვა ოკულტური ნივთები, ასევე შავი ქათამი და სხვა საზარელი ნივთები, რომლებიც ავადმყოფური ფანტაზიის ნაწილია”, – წერს ოდესის ოლქის პროკურატურის წარმომადგენელი Facebook-ზე.
კაცის გარდაცვალების მიზეზად ექსპერტიზამ თავის არეში ბლაგვი საგნით მიყენებული ჭრილობა დაასახელა, რამაც ტვინში სისხლის ჩაქცევა გამოიწვია.