საქართველოს სახელმწიფო დროშის დღესთან დაკავშირებით, საქართველოს პარლამენტის თავმჯდომარემ საკანონმდებლო ორგანოში საზეიმო მიღება გამართა.
საქართველოს პარლამენტის თავმჯდომარემ შოთა რუსთაველის სახელობის დარბაზში შეკრებილ საზოგადოებას სიტყვით მიმართა, დღევანდელი დღე მიულოცა და იმ მრავალწლიან ისტორიაზე ისაუბრა, რომელიც საქართველოს სახელმწიფო დროშას აქვს.
“დღეს ჩვენ შეგვიძლია თამამად ვთქვათ, რომ საქართველოს დროშა ერთ-ერთი უძველესი დროშაა მთელს მსოფლიოში და წარმოადგენს არაერთი სახელმწიფო წყობილების, ერთი ხელისუფლების ან ერთი პარტიის თუ პოლიტიკური ჯგუფის სიმბოლოს, არამედ, გამოხატავს მთლიანად ჩვენი სახელმწიფოს და საზოგადოების ისტორიულ გზას, იმ ღირებულებებს, რომლებსაც საუკუნეების განმავლობაში ეფუძნებოდა ჩვენი საზოგადოება და რაც აერთიანებდა მას საერთო ევროპულ ოჯახთან“, – განაცხადა ირაკლი კობახიძემ.
ღონისძიებაზე საქართველოს ყველა მუნიციპალიტეტის გერბი და დროშა, ასევე თვითმმართველი ქალაქების სიმბოლოები გამოიფინა.