მირიან ყარაულაშვილი სოციალურ ქსელში, პარლამენტის წევრ დავით ჭიჭინაძის მიერ, გლეხების მიმართ გამოთქმულ მოსაზრებას გამოეხმაურა და ფეისბუქის საკუთარ გვერდზე პოსტი გამოაქვეყნა:
“ვიღაც გამოსირებულს დღეს საკმაოდ უდიერად მოუხსენიებია ქართველი გლეხი კაცი…
შე მართლა გაუნათლებელო თაღლითო-რაც შენ განათლება გაქვს მიღებული მთელი შენი არასწორად ნაცხოვრები სიცოცხლის მანძილზე – მაგდენი ცოდნა შენგან როყიოდ მოხსენიებულ გლეხ-კაცის ეზოში მორბენალ ნაგაზს აქვს ინსტიქტების დონეზე წინაპრებისგან მიღებული!
მე პირადად ჩემს სამეზობლოსა და ჩემს სამეგობროში, ჩემს გლეხ ჯიგრებს, სადაც შევძლებ და როგორც შევძლებ- ყველას მოვუყვები შენი როყიოდ ნასროლი შხამის შესახებ და ამით ყველანაირად ხელს შევუწყობ იმას , რომ შენ მომავალში აღარასოდეს არ მოხვდე იქ, სადაც დღეს შენი ცბიერი სიფათით ნაღდ ხალხზე გაბრაზებული მაგ ოხშივარ ადენილ ხოშს ისწორებ!”-წერს ყარაულაშვილი.
შეგახსენებთ რომ, გუშინ პარლამენტში გარემოსა და სოფლის მეურნეობის კომიტეტის სხდომაზე, რომელზეც აზიურ ფაროსანასთან ბრძოლის საკითხებზე მსჯელობდნენ, “ქართული ოცნების” დეპუტატი დავით ჭიჭინაძე ფაროსანასთან ბრძოლის თაობაზე, გარემოსა და სოფლის მეურნეობის მინისტრის მოადგილის, გიორგი ხანოშვილის განცხადებას, რომ გლეხს უნდა ვასწავლოთ, როგორ ებრძოლოს მავნებელს, ასე გამოეხმაურა.
“სწავლა რომ უყვარდეს, ის გლეხი არ იქნებოდა, რა. დამიჯერეთ, სხვა ადგილს მიაგნებდა ამ ცხოვრებაში”. დეპუტატის ამ არცთუ კორექტულ განცხადებას, სოციალურ ქსელში აზრთა სხვადასხვაობა და სკანდალი გამოიწვია.
აზიურ ფაროსანასთან ბრძოლისთვის კი წელს, 50 მილიონამდე ლარი დაიხარჯება.