საარსებო წყაროებით უზრუნველყოფის სააგენტო 212 დევნილ სტუდენტს, რომლებიც სახელმწიფო პროფესიულ კოლეჯებში სწავლობენ, ტრანსპორტირების ხარჯებს დაუფინანსებს, – ამის შესახებ ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტრო იტყობინება.
მათივე ინფორმაციით, სააგენტო „დევნილთა პროფესიული განათლების ხელშეწყობის პროგრამას“ 2016 წლიდან ახორციელებს. პროგრამის ფარგლებში, 2016-2017 წლებში, სახელმწიფო პროფესიულ საგანმანათლებლო სასწავლებლებში ჩარიცხული 500-მდე დევნილი სტუდენტი უკვე დაფინანსდა და ეს პროცესი 2018 წელსაც გაგრძელდება.
როგორც უწყებაში განმარტავენ, ტრანსპორტირების ხარჯების დაფინანსების მოთხოვნით, დევნილმა სტუდენტებმა, წინასწარ განსაზღვრულ პერიოდში, უნდა შეავსონ განაცხადი და ჩააბარონ სააგენტოში, მისამართზე – თბილისი, თამარაშვილის ქ. N15ა ან სკანირებული განაცხადი, თანდართულ დოკუმენტებთან ერთად, გაგზავნონ სააგენტოს ოფიციალურ ფოსტაზე – info@livelihood.gov.ge.
პროფესიული განათლების ხელშეწყობის მიზნით, კიდევ 212 დევნილი დაფინანსდება
2018/03/13 18:51:09
ნანახია: 752 ჯერ