ცოტა ხნის წინ ხურვალეთში მომხდარ ავარიაზე დამატებითი დეტალები ხდება ცნობილი. ავტომობილის შეჯახებით ადგილზე გარდაიცვალა დიცის მკვიდრი, 23 წლის ვაჟა მინდიაშვილი, რომელიც სამხედრო მოსამსახურე იყო. ის ხურვალეთის დევნილთა დასახლებაში სტუმრად მიდიოდა, რა დროსაც სწრაფად მიმავალი მანქანა დაეჯახა.
ადგილზე სასწრაფო გამოიძახეს თუმცა ახალგაზრდის დახმარება ვერ შეძლეს. ადგილობრივები ამბობენ, რომ გზაზე მანქანები, მათ შორის პოლიციაც, ხშირად გადაჭარბებული სიჩქარით გადაადგილდებიან და ქვეითად მოსიარულეებს საფრთხე ექმნებათ
მომხდარზე გამოძიება 276 მუხლის მე-5 ნაწილით დაიწყო რაც სატრანსპორტო საშუალების მოძრაობის უსაფრთხოების ან ექსპლუატაციის წესის დარღვევას გულისხმობს, რამაც სიცოცხლის მოსპობა გამოიწვია.ამ ეტაპზე საგამოძიებო მოქმედებებს შსს აწარმოებს, ჩანიშნულია სხვადასხვა სახის ექსპერტიზა. თუმცა, შესაძლოა გამოძიება პრიკურატურამ გააგრძელოს, ვინაიდან არსებობს ამ დროისთვის დაუზუსტებელი ინფორმაცია, რომ მინდიაშვილს პოლიციელი დაეჯახა.