სამაუწყებლო კომპანია „რუსთავი 2“–თან სასულიერო პირთა ნაწილმა აქცია გამართა.
აქციის მონაწილეები წამყვან გიორგი გაბუნიას რელიგიური გრძნობების შეურაცხყოფაში ადანაშაულებდნენ და მისგან ბოდიშის მოხდას მოითხოვეს.
საუბარია, მაუწყებლის ერთ–ერთ გადაცემაში წამყვან გიორგი გაბუნიას შესავალ სიტყვაზე, რომელიც ღვთისმშობელს შეეხებოდა.
აქციის მონაწილეთა უკმაყოფილება გამოიწვია გიორგი გაბუნიას შემდეგმა შესავალმა სიტყვამ: „დღეს სტუდიაში უცნაური სტუმარი გვყავს, მარიამი, სათამაშო პისტოლეტით, რომელიც ცნობილია თვითმკვლელი ღვთისმშობლის სახელით, თუმცა იქიდან გამომდინარე, რომ პისტოლეტი სათამაშოა, ის თავს ვერ მოიკლავს, ასე რომ, ცოცხალი დარჩება და მოგვიანებით იესოსაც გააჩენს. არ ინერვიულოთ ამ თემასთან დაკავშირებით“.
კომენტარები