მთავარ პროკურატურაში ზაზა სარალიძე „სამართალდამცველთა რეფორმირების ცენტრის“ ხელმძღვანელ ზვიად კუპრავასთან და ადამიანის უფლებათა ცენტრის იურისტთან ერთად მივიდა, თუმცა საგამოძიებო უწყებაში საშვი მხოლოდ ზაზა სარალიძეზე დაუშვეს.
პროკურატურის ადმინისტრაციის წარმომადგენლის განცხადებით, ვინაიდან საქმეში არასრულწლოვნები ფიგურირებენ, საქმის დეტალებზე საუბარი მხოლოდ დაზარალებულთან, ან ბრალდებულის კანონიერ წარმომადგენელთან არის შესაძლებელი. სწორედ ამიტომ ზაზა სარალიძის თანმხლები პირები შეხვედრაზე არ დაუშვეს.
დაზარალებულმა განაცხადა, რომ ის მარტო მთავარ პროკურორს არ შეხვდებოდა.
2017 წლის 1 დეკემბერს თბილისის ცენტრში, ვერაზე ორი არასრულწლოვანი დავით სარალიძე და ლევან დადუნაშვილი დაჭრეს. ერთი მოზარდი საავადმყოფოში მიყვანამდე გარდაიცვალა. მეორე – მრავლობითი დაზიანებებით საავადმყოფოში მოთავსებიდან მეორე დღეს, 2 დეკემბერს გარდაიცვალა.