გამოცდების ეროვნულმა ცენტრმა თავის ვებგვერდზე შემთხვევით სამაგისტრო გამოცდების სამომავლო ტესტირების პასუხები გამოაქვეყნა. ამის შესახებ On.ge წერს.
საუბარია მაგისტრატურის B და C ტესტის ტიპებზე, რომელიც 18-19 და 24-25 ივლისს უნდა ჩატარდეს. 11-12 ივლისს A ტესტის ტიპის გამოცდა ჩატარდა.
on.ge-ს ცნობით, ტესტების პასუხების სქრინები სოციალურ ქსელში გავრცელდა. ერთ-ერთი სტუდენტი წერს, რომ პასუხები გამოცდების ეროვნული ცენტრის ვებგვერდზე რამდენიმე წუთის განმავლობაში იყო ხელმისაწვდომი.
imedinews-ი ცდილობს გამოცდების ეროვნული ცენტრის პრესსამსახურს დაუკავშირდეს, თუმცა ჯერჯერობით უშედეგოდ.
კომენტარები