ყოფილი პრემიერ-მინისტრის ირაკლი ღარიბაშვილის მეუღლე, ნუნუკა თამაზაშვილი სოციალურ ქსელში ფოტოს აქვეყნებს, სადაც ირაკლი ღარიბაშვილის და ბარაკ ობამას შეხვედრაა ასახული.
პოსტს გამოეხმაურა ჟურნალისტი, საინფორმაციო სააგენტო “ექსკუზივ ნიუსის” დამფუძნებელი დარეჯან ლიპარტელიანი.
“ერთ მშვენიერ დღეს, იმედია დადგება ის დრო, როცა ქართველი ხალხის პოლიტიკური მოთხოვნა და აუცილებლობა, სწორედ იმ ტიპის პოლიტიკოსებზე გაკეთდება, როგორიც იყო და არის, ყოფილი პრემიერი ირაკლი ღარიბაშვილი!…
დროა, დასრულდეს, ეს პოლიტიკური არშიყი და ქართველი ხალხის ფსიქოლოგიური ტერორი… დროა, ბოლოს და ბოლოს დასრულდეს, ის პოლიტიკური ვაკხანაია, რაც დღეს არსებობს ამ ქვეყანაში!…
ჩართავ ტელევიზორს და შეიძლება, ფსიქიკურ აშლილობამდე მიხვიდე, ამ ტელეწამყვანების და პოლიტიკოსების შემხედვარე…. სოციალურ ქსელში შეხვალ და მტრისას, ისეთი სიძულვილი და აგრესია მძინვარებს…
ძალიან გთხოვთ, დაალაგეთ, ბოლოს და ბოლოს, ეს ჩვენი სამოთხესავით ქვეყანა და ამ მართლა “ტუპიაკებს” ნუ დააქცევინებთ!” – წერს ჟურნალისტი.