“ევროპული საქართველოს” ერთ-ერთი წევრის გივი თარგამაძის თქმით, არ არსებობს საფუძველი, რომ არჩევნების შედეგები არ აღიარონ. ამის შესახებ თარგამაძემ, საარჩევნო უბნების დახურვის შემდეგ ჟურნალისტებთან საუბრისას განაცხადა.
“გივი თარგამაძე არ გვაქვს საფუძველი არ ვაღიაროთ არჩევნების შედეგები მიუხედავად იმისა, რომ რამდენიმე ადამიანი არის გამოძევებული უბნებიდან და დღის განმავლობაში იყო გარკვეული ექსესები, ჩვენ გვინახავს მარნეულში ბევრად უფრო მძიმე სურათი არჩევნების მიმდინარეობის დროს. ამ დრომდე, რა ვითარებაც იყო. არ გვაქვს საფუძველი არ ვაღიაროთ არჩევნების შედეგი” – განაცხადა თარგამაძემ
შეგახსენებთ, პარლამენტის და საკრებულოს შუალედურ არჩევნებში, ასევე, მერის რიგგარეშე არჩევნებში ხმის მიცემის პროცესი 20:00 საათზე შეწყდა. ამ დროისთვის ყველა საარჩევნო უბანი დახურულია.
დღეს, თბილისში, #1 მაჟორიტარულ საარჩევნო ოლქში საქართველოს პარლამენტის შუალედური არჩევნები გაიმართა.
გარდა ამისა, დღესვე მარნეულის, ზესტაფონის, ჭიათურის, ზუგდიდისა და ხულოს მუნიციპალიტეტების მერების რიგგარეშე და საგარეჯოს, ახმეტის, ადიგენის, ზესტაფონის, ჭიათურის, ტყიბულის, წყალტუბოსა და ოზურგეთის მუნიციპალიტეტების ადგილობრივ მაჟორიტარულ საარჩევნო ოლქებში საკრებულოების შუალედური არჩევნები ჩატარდა.