გუგუტიანთკარში ოკუპანტებმა საზღვრის გავლება განაახლეს. „ქრონიკის“ ინფორმაციით, იქ რამდენიმე წუთის წინ საოკუპაციო რეჟიმის წარმომადგენლები დაბრუნდნენ, რომლებმაც რკინის კონსტრუქციები მიიტანეს და სავარაუდოდ საყრდენ ბოძებზე რკინის ღობის მონტაჟს აპირებენ.
ადგილზე იმყოფებიან სამართალდამცველები და ევროკავშირის წარმომადგენლები, რომლებიც პროცესს აკვირდებიან და ანგარიშს ამზადებენ.
ოკუპანტებმა გუგუტიანთკართან მავთულხლართების მონტაჟი 14 აგვისტოს განაახლეს.
6 ქვეყნის ელჩები და დიპლომატიური კორპუსის 20-მდე წარმომადგენელი არსებულ სიტუაციას ადგილზე გაეცნო. მანამდე კი საგარეო უწყებამ რუსეთს მოუწოდა, შეწყვიტოს საქართველოს წინააღმდეგ უკანონო ქმედებები.
გუშინ დღის განმავლობაში სიტუაციას ისევ გაეცნენ ევროკავშირის სადამკვირვებლო მისიის წარმომადგენლები. ადგილობრივები აცხადებენ, რომ სოფელში თავს დაცულად ვერ გრძნობენ.