“პატრიოტთა ალიანსის” ლიდერი ირმა ინაშვილი ფეისბუქში პოსტს ავრცელებს, სადაც ამბობს, რომ დმანისში, “პატრიოტთა ალიანსის” ოფისში რამდენიმე ადგილობრივი შეიჭრა.
“ცოტა ხნის წინ, დმანისში ჩვენი პარტიის ოფისში რამდენიმე ადგილობრივი პირი შემოიჭრა, რომლებიც ფიზიკურად გაუსწორდნენ ჩვენს კანდიდატს.
ოფისში ძირითადად მანდილოსნები იყვნენ. სიტყვიერი და ფიზიკური შეურაცხყოფა მანდილოსნებსაც მიაყენეს.
ტვინის შერყევა აქვს ჩვენი შტაბის თანამშრომელს ეკა ბერიანს. ახლა მივდივარ დმანისში. როგორც მეუბნებიან, ერთ- ერთი თავდამსხმელი ვინმე ზურაბ ოქრიაშვილია.
თავდამსხმელები სავარაუდოდ ” ქართული ოცნების” კანდიდატის მხარდამჭერები იყვნენ. ვაზუსტებ ინფორმაციას და დამატებით დეტალებს მოგაწვდით. რა იყო, ნაც-ოცნება ერთად გვესხმის თავს? მაგრად გიჭირთ, მაგრად”, – წერს ირმა ინაშვილი.