ონკოლოგიური პაციენტები, რომლებსაც უტარდებათ ქიმიოთერაპიის კურსი, კორონავირუსის პანდემიის დროს რისკ-ჯგუფს წარმოადგენენ, – ამის შესახებ თბილისის სახელმწიფო სამედიცინო უნივერსიტეტის ვიცე-რექტორმა, პირველი საუნივერსიტეტო კლინიკის ონკოლოგიის მიმართულების ხელმძღვანელმა, ასოცირებულმა პროფესორმა ირაკლი კოხრეიძემ „დღის ქრონიკაში“ განაცხადა.
კითხვაზე, რჩებიან თუ არა რისკჯგუფში ის პაციენტები, რომელთაც ქიმიოთერაპიის სრული კურსი აქვს გავლილი და პაციენტები, რომლებმაც კიბო დაამარცხეს, საუნივერსიტეტო კლინიკის ონკოლოგიის მიმართულების ხელმძღვანელმა განაცხადა, რომ აღნიშნული ადამიანები რისკჯგუფს არ წარმოადგენენ. რისკჯგუფს წარმოადგენენ პაციენტები, რომლებსაც ქიმიოთერაპიის კურსი უტარდებათ.
მისივე თქმით, ონკოლოგიური პაციენტები, რომლებიც იღებენ ქიმიოთერაპიის კურსს, მოწყვალდ ჯგუფში წარმოადგენენ. შესაბამისად, მათში კორონავირუსით ინფიცირების ალბათობა მაღალია და 3,5-ჯერ მაღალია გართულებებიც, რაც სუნთქვის უკმარისობით, ხელოვნური სუნთქვის აპარატზე დამოკიდებულებით და სხვა კუთხით გამოიხატება. თუმცა, კოხრეიძის განცხადბით, ის პაციენტები, რომლბმაც დაამარცხეს ონკოლოგიური დაავადება, განსაკუთრებული რისკის ჯგუფს არ წარმოადგენენ.
„ონკოლოგიური პაციენტების მართვა პანდემიის დროს განსხვავდება, ონკოლოგიური პაციენტების მართვისგან ჩვეულებრივ სიტუაციაში. არა საგანგაშო სიმპტომების შემხვევაში, მისი ვიზიტი კლინიკაში შეზღუდული და შემცირებული უნდა იყოს. პაციენტი და მისი ახლობლები ინფორმირებული უნდა იყვნენ ყველა სიმპტომის შესახებ. მათ კარგად უნდა განემარტოთ დისტანცირება, ჰიგიენა და ასევე აუცილებელია სატელეფონო კონსულტაციის ჩართვა პაციენტსა დ მის მკურნალ ექიმს შორის ურთიერთობისთვის. აუცილებლია ტელემედიცინის სერვისი გააქტიურება, რათა ონკოლოგიური პაციენტების კლინიკებში არასაჭირო ვიზიტები შემცირდეს“, – განაცხადა კოხრეიძემ.