ყველასათვის საყვარელი მსახიობი, პარლამენტის მერვე მოწვევის წევრი სოსო ჯაჭვლიანი სიკვდილს გადაურჩა და მოთმინებისა და გამძლეობის ისეთი მაგალითი უჩვენა ქართველ ექიმებს, რაც ბევრს გაგონილიც არ ექნება.
ცხვარიჭამიაში, აგარაკზე მყოფი სოსო ჯაჭვლიანი მარანში ღვინის გადაღებით იყო დაკავებული. მინის მოზრდილი ბოცა, რომელიც გაბზარული ყოფილა, ხელში შემოატყდა. მსხვილი მინის ნაჭერი მკლავზე დაეცა და მაჯიდან იდაყვამდე მთლიანად გადაუხსნა. მოგვიანებით, როგორც თვითონ იხსენებდა, გონება დაებინდა, რადგან მოკლე დროში ბევრი სისხლი დაკარგა. სოსო ჯაჭვლიანი სასწრაფოდ თბილისში გადაიყვანეს. როგორც ექიმებმა უთხრეს, ოპერაცია ანესთეზიის გარეშე უნდა ჩატარებულიყო, რადგან უგონო მდგომარეობაში მყოფ პაციენტს ზუსტად ვერ აღუდგენდნენ სისხლძარღვებს. ოპერაცია სამი საათი გაგრძელდა და წარმატებით დასრულდა. ექიმებმა ზედა კიდური მთლიანად შეუნარჩუნეს. სოსო ჯაჭვლიანმა კი მოთმინებისა და გამძლეობის საოაცრი უნარი გამოავლინა და სამი საათის განმავლობაში, ნარკოზის გარეშე დარჩენილი, ვაჟკაცურად ითმენდა ტკივილებს. გაგრძელება