ისრაელის პრემიერ-მინისტრმა, ბენიამინ ნეთანიაჰუმ ქვეყანაში საყოველთაო კარანტინი გამოაცხადა. ამის შესახებ Times of Israel-ი წერს.
შესაბამისად, მოქალაქეებს შეეზღუდებათ გადაადგილების უფლება, დაიხურება საგანმანათლებლო დაწესებულებები, ფუნქციონირებას შეწყვეტს კაფეები და რესტორნები.
„დღეს, მთავრობის სხდომაზე უახლოესი 3 კვირის განმავლობაში ქვეყნის ჩაკეტვის გადაწყვეტილება მივიღეთ“,-განაცხადა ნეთანიაჰუმ.
ინფორმაციისთვის, ისრაელში, ბოლო კვირების განმავლობაში ეპიდემიოლოგიური ვითარება გართულდა.
ამ დრომდე, ქვეყანაში ვირუსი 153 000-ზე მეტ ადამიანს დაუდასტურდა, გარდაიცვალა 1108 პირი.
ინფიცირებულთა დღიური რაოდენობა კი, 3000-დან 5 000-მდე მერყეობს.
როგორც ცნობილია, შემზღუდველი ზომები 19 სექტემბრიდან ამოქმედდება და სამ კვირას გასტანს.
კომენტარები