აშშ-ის პრეზიდენტმა დონალდ ტრამპმა მეგან მარკლი გააკრიტიკა მას შემდეგ, რაც მეგან მარკლმა და პრინცმა ჰარიმ ვიდეომიმართვა ჩაწერეს, რომელშიც ამერიკელებს საპრეზიდენტო არჩევნებში ჯო ბაიდენის მხარდაჭერისკენ მოუწოდეს.
„მეგან მარკლის ფანი არ ვარ. სავარაუდოდ, მან ეს იცის. ბევრ წარმატებას ვუსურვებ ჰარის, რადგან მას ეს დასჭირდება“, – განაცხადა დონალდ ტრამპმა თეთრ სახლში გამართულ პრესკონფერენციაზე.
23 სექტემბერს მეგან მარკლმა და პრინცმა ჰარიმ ჯო ბაიდენის მხარდაჭერის ვიდეომიმართვა გაავრცელეს. მეგან მარკლი აშშ-ის მოქალაქე და რეგისტრირებული ამომრჩეველია. მისი თქმით, ამერიკელებმა უარი უნდა თქვან სიძულვილის ენაზე. მეგან მარკლმა ასევე აღნიშნა, რომ 3 ნოემბრის საპრეზიდენტო არჩევნები ყველაზე მნიშვნელოვანი არჩევნებია.
კომენტარები