“ქართული ოცნების” დეპუტატი ნუკრი ქანთარია კობა დავითაშვილის გარდაცვალებას სოციალურ ქსელში ეხმაურება და 2007 წლის 7 ნოემბერს იხსენებს, როცა სცადა სააკაშვილის ბანდამ მისი სულის ამოხდა.
“ის ავბედითი 7 ნოემბერია. რუსთაველზე ჯერ კიდევ გაზის ყუმბარებს ისვრიან. კობას მანქანა არ გაუჩერებია, ოდნავ შეანელა და ისე მომაძახა, რიყეზე, რიყეზე ვიკრიბებითო… ვიცი მეთქი. მე ელიავაზე გავდივარ, აპარატურას მოვიტანო. მაშინ სცადა სააკაშვილის ბანდამ მისი სულის ამოხდა. ვერ მოკლეს! თუმცა, იმის შემდეგ მუდმივად სიცოცხლისთვის იბრძოდა. არასდროს დაუწუწუნია. თავის სასიკვდილო ავადმყოფობაზე ყოველგვარი ემოციის გარეშე საუბრობდა. 13 წელი გაუძლო, მეტი – ვეღარ.
ვუსამძიმრებ მის მრავალრიცხოვან ოჯახს, მეგობრებს, მთლიანად საქართველოს გაბედული, პრინციპული პოლიტიკოსის, სამაგალითო მამის, მეგობრის კობა დავითაშვილის გარდაცვალებას, რომელსაც რთულ, წინააღმდეგობით სავსე დროში მოუწია პოლიტიკური საქმიანობა. ნათელი დაადგეს მის სულს”-წერს ალექსანდრე ქანთარია.
ნუკრი ქანთარია: მაშინ სცადა სააკაშვილის ბანდამ მისი სულის ამოხდა, თუმცა, იმის შემდეგ მუდმივად სიცოცხლისთვის იბრძოდა
2020/12/02 22:05:44
ნანახია: 707 ჯერ