ერთი შემთხვევის ჰოსპიტალური მართვა ჯდება დაახლოებით 2 ათასი ლარი, მაგრამ ეს არის უხეში გათვლა. რიგ შემთხვევაში ეს შეიძლება იყოს 10 ათასი ლარი და მეტიც და ზოგ შემთხვევაში შეიძლება იყოს 500 ლარი, – ამის შესახებ თამარ გაბუნიამ მთავრობის სხდომის დასრულების შემდეგ გამართულ ბრიფინგზე ტესტირების პროგრამის გაფართოებაზე საუბრისას განაცხადა.
„საშუალოც, შეფასებისთვის ჩვენ ვიყენებთ 2 ათასლარიან შეფასების ნიშნულს ჰოსპიტალური მართვისთვის. ეს ხარჯი არ ითვალისწინებს იმ ხარჯს, რაც გაწეულია და კვლავაც უნდა გავწიოთ, მაგალითად ჟანგბადის უზრუნველყოფისთვის, სუნთქვის აპარატების მობილიზებისა და პერსონალის გადამზადებისთვის. საინვესტიციო ხარჯი სისტემის მომზადებისთვის არის კიდევ ცალკე და ამისთვის დაკავშირებით თუ არის ინტერესი, სიამოვნებით გაგიზიარებთ დეტალურად, რა ინვესტიცია რა მიმართულებით კეთდება“, – განაცხადა გაბუნიამ.