“ჯანდაცვის მინისტრის მუშაობით კმაყოფილი ვარ, ვიცი კრიტიკული შენიშვნები, დაპირისპირებები, მაგრამ მე ისიც ვიცი, რა შეუძლია ჯანდაცვის მინისტრს და ჯანდაცვის სამინისტროს და რას ვაკეთებდით წინათ, სხვა ჯანდაცვის მინისტრების პირობებში. მიმაჩნია, რომ მეტის გაკეთება ძნელია”, – ამის შესახებ ინფექციური პათოლოგიის და შიდსის ცენტრის გენერალურმა დირექტორმა, თენგიზ ცერცვაძემ “რუსთავი 2-ის” ეთერში განაცხადა.
თენგიზ ცერცვაძემ ჯანდაცვის მინისტრსა და მას შორის არსებულ პირად ურთიერთობაზეც ისაუბრა და აღნიშნა, რომ ადრე ურთიერთობა კარგი არ იყო და ამის გამო თანამდებობიდან წასვლასაც აპირებდა, თუმცა ახლა მათი ურთიერთობა ნორმალურია.
“ჩვენი პირადი ურთიერთობა კარგი არ იყო, ახლა ნორმალურია. მე ვტოვებდი სამსახურს და მივდიოდი. მიზეზი სხვადასხვა ფაქტორები იყო, ძირითად ეს იყო დაკავშირებული იმასთან, რომ 10 წელია შენობა არ გვაქვს და არა ადამიანურ პირობებში გვიწევს მუშაობა. კოვიდისფლაგმანი ვიყავით, მოვალეობა და პასუხისმგებლობა გვქონდა ფლაგმანის და პირობები გვქონდა ყველაზე უარესი”, – განაცხადა ცერცვაძემ.