69 წლის კაცს, რომელსაც პოლიცია და სახანძრო-სამაშველო სამსახურის თანამშრომლები რამდენიმე დღეა აქტიურად ეძებდნენ, გარდაცვლილი ნახეს.
imedinews-ის ინფორმაციით, სამართალდამცველებმა პენსიონერი სარწყავ არხში ცოტა ხნის წინ აღმოაჩინეს. ცნობილია, რომ ცხედარს ექსპერტიზა გურჯაანში, სამხარაულის სახელობის ექსპერტიზის ეროვნული ბიუროში ჩაუტარდება.
თელავის მუნიციპალიტეტის სოფელ ფშაველში მცხოვრები ანზორ პეტროსიანი სახლიდან რამდენიმე დღის წინ გავიდა და მას შემდეგ არავის უნახავს. ბოლოს ის თანასოფლელებმა 15 თებერვალს სოფელში შენიშნეს.
ხანდაზმულის სამძებრო სამუშაოები ინტენსიურად მიმდინარეობდა. პროცესში აქტიურად იყო ჩართული როგორც პოლიცია, ისე სამაშველო სამსახური. მომხდარზე გამოძიება თვითმკვლელობამდე მიყვანის მუხლით დაიწყო.
კომენტარები