ლადო ბენდიანიშვილი, რომელიც TV პირველის მიერ გავრცელებულ ფარულ აუდიოჩანაწერში ფიგურირებს, ტელეკომპანია „იმედის“ გადაცემა „ქრონიკასთან“ აცხადებს, რომ 15-16 წლის იყო, როცა Facebook-ზე ბერას რომელიღაც პოსტზე კომენტარი დაწერა.
„ეს შემთხვევა მოხდა 2011 წელს. Facebook-ზე რაღაც კომენტარი გავაკეთე“, – აცხადებს ბენდიანიშვილი.
მისი თქმით, ამ ფაქტის შემდეგ, მას ბერა ივანიშვილის ოჯახის დაცვის თანამშრომლები დაუკავშირდნენ.
„რამდენიმე დღის შემდეგ ჩემთან მოვიდნენ ბერა ივანიშვილის ოჯახის დაცვის თანამშრომლები, მითხრეს, რომ ბერას Facebook-ზე განხორციელდა შეტევა. მუქარის შემცველი პოსტები იყო ძალიან ბევრი და აინტერესებდათ. მე ვუთხარი, რომ მუქარის შემცველი არაფერი მქონდა დაწერილი, რის შემდეგადაც ბოდიში მომიხადეს შეწუხებისთვის და დამემშვიდობნენ“, – აცხადებს ბენდიანიშვილი.