ჩვენ არ დავაფიქსირებთ კრიტიკულ პოზიციას, თუ საქართველოს პრეზიდენტი გიორგი რურუას შეიწყალებს, – განაცხადა საქართველოს პარლამენტის თავმჯდომარემ, არჩილ თალაკვაძემ პარლამენტში გამართულ ბრიფინგზე.
„მთელი საზოგადოებისთვის ცნობილია, თუ რას წარმოადგენს გიორგი რურუას სისხლისსამართლებრივი საქმე. ის არ არის პოლიტიკოსი, არც რომელიმე პოლიტიკური პარტიის წარმომადგენელი, რომელსაც შეუძლია, გავლენა იქონიოს საარჩევნო ან პოლიტიკურ პროცესზე. მიუხედავად ამისა, ჩვენ არ გვექნება კრიტიკული შეფასება, თუ პრეზიდენტი მას შეიწყალებს“ – აღნიშნა არჩილ თალაკვაძემ.
ამასთან, არჩილ თალაკვაძემ განაცხადა, რომ პარტიამ უკვე გამოხატა პრინციპული მზადყოფნა ევროკავშირის და ევროპის საბჭოს პრეზიდენტის ეგიდით წარდგენილი, განახლებული დოკუმენტის ხელმოსაწერად.
„მიუხედავად იმისა, რომ არჩევნებში 40%-იანი ნდობის პრინციპი ჩვენი საერთაშორისო პარტნიორების თანდასწრებით შეთანხმდა 8 მარტის შეთანხებით და ასახულია კონსტიტუციაში, კანონმდებლობაში და სხვა პროცენტულ მაჩვენებელს არ აქვს ლოგიკური ან სამართლებრივი საფუძველი, დღეს, პარტიის მიერ გაკეთებულ საჯარო განცხადებაში ვთქვით და განვიხილეთ თვითმმართველობის არჩევნებში ნდობის 40%-იანი ზღვრის გაზრდა 43%-მდე. „ქართული ოცნება” მზად არის შეთანხმებას ხელი მოაწეროს ამ მაჩვენებლით“ – აღნიშნა არჩილ თალაკვაძემ.