შარლ მიშელის დოკუმენტზე ხელმომწერი პარტიები ამბობენ, რომ პარლამენტში იმუშავებენ ყველა იმ საკითხზე, რომელიც მათი ამომრჩევლის ინტერესშია და მათთვის მნიშვნელოვანი მხოლოდ ამნისტიის შესახებ კანონის პროექტი აღარაა. პარლამენტსმიღმა დარჩენილი „ნაციონალური მოძრაობა“ დოკუმენტზე ხელმომწერ სხვა პარტიებს საყვედურობს და აცხადებენ, რომ ისინი არათანმიმდევრულები არიან.
ამ განცხადებების საპასუხოდ, „სტრატეგია აღმაშენებლის“ ლიდერი ამბობს, რომ მათთვის არაა მნიშვნელოვანი, თუ რას ამბობენ „გაბოროტებული პოლიტიკოსები“.
„ამ კვირების განმავლობაში, ბევრი საყვედური მომისმენია, მაგრამ მართალი ყოველთვის ჩვენ ვართ. ჩემი აზრით, მთავარია, ხალხს რა უნდა და მათ ვუპასუხოთ და არა – გაბოროტებულ პოლიტიკოსებს. პროცესი, მატარებელი დაიძრა და ევროპულ თანხმობას კიდევ რომ არ უერთდებიან, ამაზე მაქვს მთავარი კითხვა“, – აცხადებს გიორგი ვაშაძე.