ექსპერტი უსაფრთხოების საკითხებში, გენერალი ამირან სალუქვაძე სოციალურ ქსელში წერს:
“ირაკლი ღარიბაშვილის მიმართ რეგიონული ლიდერების ნდობა და პირადად მისი ლიდერობა, სულ უფრო იკვეთება, რაც ქვეყნისთვის მნიშვნელოვანია.
თურქეთის პრეზიდენტმა გაეროში გამგზავრებამდე ჟურნალისტებთან შეხვედრისას განაცხადა, რომ ირაკლი ღარიბაშვილმა მას ნიკოლ პაშინიანის თხოვნა გადასცა შეხვედრასთან დაკავშირებით.
ღარიბაშვილის მონაწილეობით ეს უკვე მეორე რეგიონული შუამავლობაა.
ის რომ სომხეთის პრემიერის ვიზიტი არ იყო მხოლოდ ორმხრივი ურთიერთობების გამო, ქვეტექსტებში იკითხებოდა.
თუ გავიხსენებთ ღარიბაშვილის ვიზიტს და დახვედრას თურქეთში, ვიზიტებს მეზობელ ქვეყნებში, ტყვეების და რუკების გაცვლას, რეგიონულ პოლიტიკაში საკმაოდ წარმატებული და საინტერესო ტენდენციებია.” – წერს სალუქვაძე
კომენტარები