აჯანყება უნდა თაკო ჩარკვიანს? თაკომ თუ თქვა, აჯანყდება, – ასე უპასუხა ფრაქცია „ქართული ოცნების“ თავმჯდომარე მამუკა მდინარაძემ ჟურნალისტის მიერ დასმულ კითხვას, არჩევნების მეორე ტურის შემდეგ მოსალოდნელ დაძაბულობაზე. მანამდე მედიასთან პარტია კანონი და სამართალის ლიდერმა თაკო ჩარკვიანმა განაცხადა, რომ არჩევნების შემდეგ ქუჩებში კარვები უნდა დასცენ და ეს ერთადერთი გამოსავალი აჯანყებაა.
„თუ ვინმემ აჯანყებაზე ილაპარაკა, ეს არასერიოზულია პერსპექტივის თვალსაზრისით, მაგრამ ასეთი სურვილი, რა თქმა უნდა, აქვთ. მათი მხრიდან არაერთი ძალადობრივი მოწოდება გვინახავს. როდესაც იციან, რომ არაფერი გამოსდით, ვერ იმარჯვებენ, რადგან არა მხოლოდ წარსულის მძიმე ცოდვებით არიან დაზიანებული რეპუტაციულად, არამედ დღესაც ანალოგიურად ძალადობენ. სულ ტყუილებით საზრდოობენ, ამასობაში რეალური პრობლემები გვერდზე რჩება. ისინი სიცრუის ტირაჟირებით არიან დაკავებული, სიმართლე იმარჯვებს, ეს კი არ მოსწონთ“, – აღნიშნა მდინარაძემ.