თბილისის საქალაქო სასამართლოსთან, სადაც საქართველოს ყოფილი პრეზიდენტის მიხეილ სააკაშვილის სასამართლო პროცესი უნდა გაიმართოს, დიდი ოდენობით სამართალდამცავები არიან მობილიზებული. პენიტენციური სამსახურის განცხადებით, სააკაშვილი დაესწრება პროცესს.
სასამართლოსთან კომენტარი გააკეთა მისმა ადვოკატმა ნიკა გვარამიამ და განაცხადა, რომ უსაფრთხოების ზომები, რასაც სახელმწიფო იღებს, მისთვის მისაღებია.
“სახელმწიფო იღებს სააკაშვილის უსაფრთხოებას საკუთარ თავზე და ვაცადოთ მოიქცეს ისე, როგორც საჭიროდ მიიჩნევს. სახელმწიფოზეა დღეს ექსპრეზიდენტის უსაფრთხოება. კარგია, რომ ამას ახლა ჩვენ ვხედავთ. ეს დარღვევა არ არის, დარღვევას ველი სასამართლო დარბაზში”, – განაცხადა გვარამიამ.