კონკრეტულმა კრიმინალებმა ჩაიდინეს კონკრეტული კრიმინალი და როდესაც ამასთან დაკავშირებით, ყოველგვარი დასაბუთების გარეშე კეთდება კრიტიკული განცხადება ეს არის კრიმინალისთვის ხელის დაფარების გარკვეული ფორმა, – ამის შესახებ პარტია „ქართული ოცნების“ თავმჯდომარემ, ირაკლი კობახიძემ ბრიფინგზე განაცხადა.
მან აღნიშნა, რომ საქართველო იდგება იმ პრინციპებზე, რომელიც მნიშვნელოვანია სამართლებრივი სახელმწიფოსთვის.
„საქართველო არის სამართლებრივი სახელმწიფო, აქ უზრუნველყოფილია სამართლის უზენაესობა, კანონის უზენაესობა, კრიმინალი იჯდება ციხეში, ვინც არ არის კრიმინალი ის იქნება გარეთ და ა.,შ. ეს არის მარტივი პრინციპები რომელიც მოქმედებს ჩვენს ქვეყანაში და ვერავინ გადაგვახვევინებს ამ პრინციპებიდან. ჩვენ მიჩვეული ვართ, რომ ერთი და იგივე გვარები, მათ შორის უცხოელი ლობისტები მუდმივად ხელს აფარებენ კრიმინალს და კრიმინალებს. ეს არის სამწუხარო მოვლენა, თუმცა საქართველო არის სახელმწიფო და იდგება იმ პრინციპებზე, რომელიც მნიშვნელოვანია სამართლებრივი სახელმწიფოსთვის“, – განაცხადა ირაკლი კობახიძემ.
16 მაისს, „მთავარი არხის“ დამფუძნებელს, ნიკა გვარამიას 3 წლითა და 6 თვით თავისუფლების აღკვეთა მიესაჯა.