საქართველოს პრემიერ-მინისტრი ირაკლი ღარიბაშვილი საერთაშორისო სავალუტო ფონდის მმართველ დირექტორ კრისტალინა გიორგიევასთან შეხვედრას სოციალურ ქსელ “ტვიტერში” ეხმაურება.
მთავრობის მეთაური საერთაშორისო სავალუტო ფონდს საქართველოს სტრუქტურული, ფინანსური და ეკონომიკური რეფორმების მხარდაჭერისთვის მადლობას უხდის და აღნიშნავს, რომ რეფორმების მიზანი რეგიონის ფინანსურ ჰაბად საქართველოს ტრანსფორმაცია და ევროკავშირში საქართველოს გაწევრიანების დაჩქარებაა.
“ნაყოფიერი საუბარი მქონდა საერთაშორისო სავალუტო ფონდის მმართველ დირექტორ კრისტალინა გიორგიევასთან. შეხვედრაზე ჩვენს სამომავლო პარტნიორობაზე ვისაუბრეთ.
საერთაშორისო სავალუტო ფონდის მადლობელი ვარ, საქართველოს სტრუქტურული, ფინანსური და ეკონომიკური რეფორმების მხარდაჭერისთვის, რომელთა მიზანიც
რეგიონის ფინანსურ ჰაბად საქართველოს ტრანსფორმაციაა
ევროკავშირში ჩვენი ქვეყნის გაწევრიანების დაჩქარების პერსპექტივით”,-აღნიშნავს პრემიერ-მინისტრი.
Held productive talks with the MD of the IMF @KGeorgieva on 🇬🇪's future partnership with the IMF. Thankful for supporting our structural financial & economic reforms, which aim to transform 🇬🇪 into regional financial hub w/the perspective to accelerate our accession into the 🇪🇺 pic.twitter.com/hbuAqcqT0s
— Irakli Garibashvili (@GharibashviliGe) May 23, 2022