საერთაშორისო სავალუტო ფონდის მმართველი დირექტორი კრისტალინა გიორგიევა საქართველოს პრემიერ-მინისტრ ირაკლი ღარიბაშვილთან შეხვედრას სოციალურ ქსელ “ტვიტერში” ეხმაურება.
კრისტალინა გიორგიევას თქმით, ძლიერი და უწყვეტი თანამშრომლობა განიხილეს იმ ფონზე, როდესაც უკრაინაში მიმდინარე ომის ეკონომიკურ ეფექტს განიცდის საქართველო.
“მოხარული ვარ, რომ საქართველოს პრემიერ-მინისტრ ირაკლი ღარიბაშვილს შევხვდი დავოსში. ძლიერი და უწყვეტი თანამშრომლობა განვიხილეთ იმ ფონზე, როდესაც უკრაინაში მიმდინარე ომის ეკონომიკურ ეფექტს განიცდის საქართველო. ქვეყნის რეფორმების მხარდასაჭერად სიფრთხილის პრინციპებზე დაფუძნებულ სარეზერვო დაფინანსების მექანიზმის მომზადების ბოლო ეტაპზე ვიმყოფებით”,– აღნიშნავს საერთაშორისო სავალუტო ფონდის მმართველი დირექტორი.
It was a pleasure to meet PM @GharibashviliGe 🇬🇪 at Davos. We discussed our strong continued cooperation as Georgia faces economic spillovers from the war in Ukraine. We are at an advanced stage of preparing a precautionary Standby Arrangement to support Georgia’s reform efforts. pic.twitter.com/jGYjyStCrJ
— Kristalina Georgieva (@KGeorgieva) May 23, 2022