გოგა ხაინდრავა გუშინ, პარლამენტის წინ გამართულ აქციას მედიაჰოლდინგ “კვირას” პრესკლუბში გამოეხმაურა და აღნიშნულს “შიკრიკების რევოლუცია” უწოდა.
„ამ შემთხვევაში, ჩვენ საქმე გვქონდა “შიკრიკების რევოლუციასთან“. რატომ შიკრიკების – ამის განმარტება მარტივია. შიკრიკები არიან ადამიანები, რომლებსაც ინფორმაცია მიაქვთ და მოაქვთ. მეტი არანაირი დანიშნულება არ გააჩნიათ. ესაა ამ შიკრიკების გაერთიანებაა, რომლების ერთადერთი საქმეა, აქედან წაიღონ ინფორმაცია, როგორც წესი, სიცრუე და ცილისწამება, იქიდან კი ინსტრუქციები წამოიღონ და შემდეგ გაახმოვანონ. დასავლეთის ქვეყნებში მათ ვოიაჟს ვგულისხმობ. ზოგიერთის მარშრუტი რუსეთისკენაა. შეიძლება, პირდაპირ იქ არ დადიან, მაგრამ იდეები იქიდან მოაქვთ. ეს „შიკრიკების“ რევოლუცია“ თავიდანვე განწირული იყო.
ვინც ტრიბუნაზე დგანან, ისინიც შიკრიკები არიან, რადგან თავად არანაირი გეგმა არ გააჩნიათ, ერთადერთი, რაც მათ ევალებათ – ამ მთავარი შიკრიკების ამბავი საზოგადოებამდე მიიტანონ. ამასაც ვერ ახორციელებენ იმიტომ, რომ უნარი არ აქვთ, უნიჭოები არიან. არანაირი გამოცდილება, არანაირი დიდი გზა, რომელიც ქვეყანამ 30 წლის განმავლობაში გამოიარა, მათთვის ნაცნობი არ არის. რადგან არაფერს კითხულობენ, არაფერს ნახულობენ. ერთადერთი ვნება და პატივმოყვარეობა ამოძრავებთ, გუშინ ვნახეთ შედეგი. ტრიბუნაზე იდგნენ ადამიანები, რომელთა დრამატურგია საპირფარეშოში იწყება და, ალბათ, იქვე მთავრდება იმიტომ, რომ ამის მეტი უნარი გააჩნდა. რევოლუციური მოვლენების დრამატურგია და საპირფარეშოს დრამატურგია ორი სხვადასხვა რამეა. ბუღაძემ ეს არ იცის, არც დიღმელაშვილმა. დიღმელაშვილს ლიტერატურული დრამატურგიაც არ გაუგია, ბუღაძეს ეს მაინც გაუგია, მაგრამ ისე მიეჩვია მის საპირფარეშოში ჩამოყალიბებას, რომ იმის იქით ვეღარ წავიდა. შედეგი სახეზეა: საქართველოს არევის გაუთავებელი მცდელობა, ეს პატარა ქვეყანაა, არ ვართ ძლიერი დემოკრატია, არც ძლიერი ეკონომიკა გვაქვს, ნებისმიერი ასეთი გამოვლინება ჩვენი მტრების სასიხარულოდაა, განსაკუთრებით, ჩრდილოელი მტრის“, – განაცხადა ხაინდრავამ მედიაჰოლდინგ „კვირას“ პრესკლუბში გამართულ პრესკონფერენციაზე.