მესამე პრეზიდენტის მიხეილ სააკაშვილის დედა გიული ალასანია ტელეკომპანია „პირველის“ ეთერში სააკაშვილის მიერ ელექტრო სიგარეტის მოხმარების შესახებ დასმულ კითხვას გამოეხმაურა და თქვა, რომ ამ საკითხით თავადაც გაოცებულია, რადგან სააკაშვილი არცერთ ეტაპზე თამბაქოს მომხმარებელი არ ყოფილა.
ალასანია ამბობს, რომ ეს ვიღაცამ ნერვების დაწყნარების მიზნით ურჩია.
„საჭმელი მე თვითონ მიმაქვს, სიგარეტს რაც შეეხება, მე თვითონაც ძალიან მიკვირს, არასოდეს ადამიანი არ ეწეოდა არცერთ ასაკში, არა მარტო თვითონ არ ეწეოდა, არ იკარებდა იმ ადამიანებს, ვინც ეწეოდა. არასოდეს არ ყოფილა ასეთი შემთხვევა…
ვიღაცამ ურჩია იცით, რომ აი, ნერვებს დაგიწყნარებს და ბოლს კი არ ყლაპავს… იმედი მაქვს, რომ ეს დროებითია. ოდნავ იღება მისი ოთახის ფანჯარა, ფაქტობრივად მზე არ უნახავს, ცა არ უნახავს წელიწადი და სამი თვეა“, – აცხადებს გიული ალასანია.