გაზრდილი მგზავრთნაკადის ეფექტურად მომსახურების მიზნით, სს „საქართველოს რკინიგზა” მიმდინარე წლის 23 ივნისს, თბილისი-ბათუმისა და 25 ივნისს, ბათუმი-თბილისის მიმართულებით ამატებს ახალ შემადგენლობას (№808/807).
აღნიშნულთან დაკავშირებით „საქართველოს რკინიგზა” განცხადებას ავრცელებს.
„შვეიცარული კომპანია „შტადლერის” ორსართულიანი ელექტრომატარებელი რეისებს შეასრულებს ახალი განრიგით;
ელექტრომატარებელი №808 თბილისის ცენტრალური ვაგზლიდან გავა 23 ივნისს – 10:30 წთ. და ბათუმში ჩავა 15:29 წთ-ზე.
ელექტრომატარებელი №807 25 ივნისს ბათუმიდან გამოვა 17:05 წთ და თბილისში დაბრუნდება 22 სთ-ზე.
„საქართველოს რკინიგზა” გისურვებთ ბედნიერ მგზავრობას!” – ნათქვამია „საქართველოს რკინიგზის” მიერ გავრცელებულ განცხადებაში.
კომენტარები