სახელმწიფო უსაფრთხოების სამსახურის ანტიკორუფციული დეპარტამენტის მიერ დაკავებულ რუსთავის მუნიციპალიტეტის თანამშრომელსა და ქვემო ქართლის გუბერნატორის ადმინისტრაციის ყოფილ სპეციალისტს თბილისის საქლაქო სასამართლოს მოსამართლემ წინასწარი ორთვიანი პატიმრობა შეუფარდა.
დაცვის მხარემ სასამართლო პროცესზე ორთვიანი წინასწარი პატიმრობის 10 ათას ლარიანი გირაოთი ჩანაცვლების შუამდგომლობა დააყენა, თუმცა მოსამართლემ პროცესზე წარმოდგენილი გარემოებებისა და მოწმეებზე შესაძლო ზეწოლის მოტივით, ორივე ბრალდებულს წინასწარი ორთვიანი პატიმრობა შეუფარდა.
დაცვის მხარემ სასამართლო პროცესზე ორთვიანი წინასწარი პატიმრობის 10 ათას ლარიანი გირაოთი ჩანაცვლების შუამდგომლობა დააყენა, თუმცა მოსამართლემ პროცესზე წარმოდგენილი გარემოებებისა და მოწმეებზე შესაძლო ზეწოლის მოტივით, ორივე ბრალდებულს წინასწარი ორთვიანი პატიმრობა შეუფარდა. შემდგომი სხდომა კი სექტემბრისთვის ჩაინიშნა.
21 ივლისს, სახელმწიფო უსაფრთხოების სამსახურმა ქალაქ რუსთავის მერის წარმომადგენელი აკაკი წერეთელი და ქვემო ქართლში სახელმწიფო რწმუნებული-გუბერნატორის ადმინისტრაციის ყოფილი სპეციალისტი გიორგი ნარიმანიძეც დააკავა.
გამოძიების ინფორმაციით, ბრალდებულები საქართველოს მოქალაქეს ქ. რუსთავში მათ მიერვე შერჩეულ სასოფლო-სამეურნეო დანიშნულების 6008 კვ.მ. მიწის ნაკვეთზე სასტუმროს მშენებლობის ნებართვის აღებაში დახმარებას დაჰპირდნენ, რის სანაცვლოდ ქრთამის სახით მოითხოვეს 15 000 აშშ დოლარის გადახდა. ბრალდებულებმა აღნიშნულ მოქალაქეს წინასწარ გამოართვეს ქრთამის სახით მოთხოვნილი თანხის ნაწილი – 7000 აშშ დოლარის ოდენობით, რის შემდეგაც ისინი სახელმწიფო უსაფრთხოების სამსახურის ანტიკორუფციული სააგენტოს თანამშრომლებმა ბრალდებულის სახით დააკავეს. ქრთამის სახით გადაცემული თანხა – 7000 აშშ დოლარი ამოღებულია ნივთმტკიცებად,”- განაცხადეს სახელმწიფო უსაფრთხოების სამსახურში.
გამოძიება განსაკუთრებით დიდი ოდენობით ქრთამის აღების ფაქტზე მიმდინარეობს. ადვოკატის ინფორმაციით, დაკავებულები თავს დანაშავედ არ ცნობენ და გამოძიებასთან თანამშრომლობენ.