არანაირად არ ვაპირებ პოლიტიკაში წასვლას, ძალით რამის კეთება არ გამოდის, – მის შესახებ სპორტსმენმა ზაზა ფაჩულიამ სასტუმრო “რუმსში” გამართულ პრესკონფერენციაზე განაცხადა.
როგორც ფაჩულია ამბობს, სპორტში იქამდე იქნება, სანამ “გული არ ეტყვის, რომ საკმარისია”.
“სანამ ჩემი გული არ მეტყვის, რომ საკმარისია, არ წავალ სპორტიდან. ვცდილობ, ეს სიამოვნება გავიხანგრძლივო. კალათბურთის მერე რას გავაკეთებ, ამაზე ფიქრი დავიწყე. ყოველ ზაფხულს ვცდილობ, ბიზნესის მხრივ კურსები გავიარო. კალათბურთის კარიერა პატარა ასაკში დავიწყე და არ დამცალდა განათლების მიღება, ამიტომ ამ დანაკლისს ახლა ვივსებ.
რაც შეეხება პოლიტიკას, ეს ხმები ჩემამდეც მოვიდა. არანაირი სურვილი არ მაქვს, პოლიტიკაში წავიდე. უნდა აკეთო ის, რაც გსიამოვნებს. არანაირად არ ვაპირებ პოლიტიკაში წასვლას, ძალით რამის კეთება არ გამოდის“, – განაცხადა ზაზა ფაჩულიამ.
ზაზა ფაჩულია საქართველოში რამდენიმე საათის წინ ჩამოვიდა და სასტუმრო “რუმსში” პრესკონფერენცია გამართა.