დღეს, 20:30 საათზე, გაზმომარაგება ავარიულად შეუწყდა ნუცუბიძის რაიონში – ნუცუბიძის IV მიკრორაიონის №33 კორპუსის, №34 კორპუსის, ონკოლოგიური საავადმყოფოს ფერდობზე მდებარე კორპუსის მოსახლეობას, ნუცუბიძის II, III და IV მიკრორაიონის მიმდებარედ – შპს ”ნუცუბიძე პლაზა“-ს ახალ საცხოვრებელი კორპუსის მოსახლეობას, ასევე ონკოლოგიური ფერდობის მიმდებარედ, კონსტანტინე კაპანელისა და ანდრო ჭილაიას ქუჩების კერძო სექტორის მოსახლეობის ნაწილს.
შპს ”ყაზტრანსგაზ-თბილისის” ცნობით, გაზის მიწოდება ეტაპობრივად, სამუშაოების დასრულებისთანავე აღდგება.
”ყაზტრანსგაზ-თბილისი” ბოდიშს უხდის აბონენტებს დისკომფორტისთვის და მოუწოდებს მათ არ დატოვონ უყურადღებოდ გაზის დანადგარები, ხოლო ონკანები ჰქონდეთ დაკეტილ მდგომარეობაში.
კომპანიის ცნობით, მოქალაქეების მიერ უსაფრთხოების წესების შეუსრულებლობით გამოწვეულ შედეგებზე შპს “ყაზტრანსგაზ-თბილისი” პასუხისმგებელი არ არის.
ნუცუბიძის ნაწილს გაზმომარაგება ავარიულად შეუწყდა
2017/08/18 23:05:27
ნანახია: 1006 ჯერ