სოციალური ქსელის მომხმარებელი ლუკა იოსელიანი რაჭაში მომხდარ ფაქტთან დაკავშირებით წერს, რომელიც მისი თქმით, ხანძრის გაჩენას ემსახურებოდა.
“ბორჯომში სიცხისგან თუ ხელონურად, ნამდვილად არ ვიცი…. მაგრამ დანამდვილებით შემიძლია გითხრათ, რომ რაჭაში, მაღლა მთაში არის მონიშნული ბილიკი, რითიც ტურისტები და ადგილობრივები ადიან მთა შოდაზე, ხოდა მაგ გზაზე შეგვხვდა ნაძვები, რომლებსაც აშკარად ეჩალიჩებოდნენ, რომ ცეცხლი მოეკიდებინა, ფოტო არ გადაგვიღია… ჩავთვალეთ მგზავრებს გზაში გაუწვიმდათ და ხესთან ახლოს ცეცხლი დაანთესთქო, მაგრამ ძალიან ახლოს გამოდიოდა კოცონი…. 2 ხე იყო ეგრე 100 მეტრის დისტანციაზე”, – წერს ლუკა იოსელიანი.
“მარშალპრესი” დაუკავშირდა პოსტის ავტორს. ლუკა იოსელიანის თქმით, ხეები, რომელზეც ცეცხლის კვამლი ჩანდა, სავარაუდოა, რომ განზრახ გაკეთებული იყო.
“ნამდვილად არ მინდა საზოგადოებაში პანიკა გამოიწვიოს ჩემმა პოსტმა. დავწერე ის რაც ვნახე. ფაქტია, ორი ხე იყო, რომლის დაწვასაც აშკარად ცდილობდნენ. ეს კვალი ხეებს ეტყობოდათ…”, – აცხადებს სოციალური ქსელის მომხმარებელი ჩვენთან საუბარში.