კიევმა ჰოლანდიის საერთაშორისო სამართლებრივ კომისიას სააკაშვილის ხმის ნიმუშების აღება სთხოვა. მიზეზი საქართველოს ყოფილი პრეზიდენტის წინააღმდეგ აღძრული სისხლის სამართლის საქმეა. ამის შესახებ უკრაინის გენერალური პროკურორის მოადგილემ, ევგენი ენინმა სააგენტო „ინტერფაქს-უკრაინას“ განუცხადა.
ენინმა აღიარა, რომ სააკაშვილს უფლება აქვს უარი თქვას საკუთარი ნიმუშის მიცემაზე.
“ეს კიდევ ერთხელ ააშკარვებს სააკაშვილის მითს იმასთან დაკავშირებით, რომ ის მზად არის სამართალდამცავ ორგანოებთან ითანამშრომლოს”, – განაცხადა უკრაინის გენერალური პროკურორის მოადგილემ.
მანამდე, უკრაინის გენერალურ პროკურორმა იური ლუცენკომ კიდევ ერთხელ განაცხადა, რომ სააკაშვილმა ფული ოლიგარქ სერგეი კურჩენკოსგან მიიღო. მტკიცებულების სახით, მან სააკაშვილის კურჩენკოსთან საუბრის ჩანაწერი გამოაქვეყნა.
თუმცა, საქართველოს ყოფილმა პრეზიდენტმა განაცხადა, რომ იგი არ იცნობს ოლიგარქს და მისმა თანამოაზრეებმა ჩანაწერს არაავთენტური უწოდეს.
უკრაინის გენერალურმა პროკურორმა ასევე აღნიშნა, რომ სამართალდამცავებმა სააკაშვილის მხარდამჭერთა ჯგუფი დააკავეს, რომლებიც უკრაინის უმაღლესი რადას შენობაში აფეთქებას გეგმავდნენ. თუმცა, ლუცენკომ განმარტა, რომ მომხდარში სააკაშვილს არ ადანაშაულებს.